✍🏻आठवण बिबट्याची!

 आमची शेती अलिबाग तालुक्यातील कुणे गावातील जंगला जवळ आहे तेथील आम्ही अनुभवलेला बिबट्याचा प्रसंग आपणास सांगत आहे अलिबाग जवळील वेशीवर  वेश्वी येथील छपाई मशीन असलेला आमच्या मित्राच्या बहिणीचे लग्न अदोशी येथे झाले. त्यांच्या घरी सत्यनारायणाची पूजा असल्याने आम्ही त्यावेळी माझे शेतघर दांडेकर विहिरीच्या बाजूला होते.  सध्या पनवेलला राहत असलेला आमच्या कुटुंबातील सर्वात लहान भाऊ जो आता वकील होऊन नोटरी म्हणून  पनवेल येथे राहत आहे शेतावरच्या घरामध्ये तो माझी मोठी कन्या पल्लवी शेतगडी गजा काका व त्याची सौभाग्यवती होती मी माझा छोटा चिरंजीव सत्यम आणि सौभाग्यवती जयश्री आमच्या हिरो होंडा वर अंदोशी येथे गेलो होतो मित्र परिवारामुळे येताना उशीर झाला आणि सायंकाळचे सात वाजले होते काळोख पडायला सुरुवात झाली होती घराकडे जाताना रस्त्यामध्ये पाणथळ भाग होता तिथेच पाण्याचे टबके होते.चिखलाचा रस्ता असल्याने कसरत करतच मोटरसायकल न्यावी आणि आणावी लागत असे, आणि पुढच्याच वळणावर डबक्यामध्ये पाणी पीत असलेला बिबट्या  सौभाग्यवतीला दिसला आणि तिने सांगितले गाडी थांबवा समोर बघा बिबट्यानेही आमच्याकडे पाहिले आणि आमची तारांबळ झाली माझी बंदूक शेत घरामध्ये भिंतीवर टांगून ठेवलेली होती तेवढ्यात सौभाग्यवती म्हणाली त्याच्याकडे गाडीची लाईट चालू ठेवा आणि जरा गाडी रेस करा मनाची हिम्मत ठेवून गाडीचा आवाज जोरदार करू लागलो आणि हेडलाईटचा प्रकाश बिबट्यावर पाडत होतो,तो  आमच्याकडे गुरुगुरत पाहत होता आम्ही दोघेही नवरा बायको घामाने डबडबलो होतो मध्येच आमच्या सत्यम ने आवाज काढला सौभाग्यवतीने त्याच्या तोंडावर हात ठेवला काही क्षणात बिबट्याने शेजारच्या कंपाउंड कडे उडी मारली गवतावरून जाण्याचा स्पष्ट आवाज आम्हाला दोघांना ऐकू येत होता जयश्री म्हणाली चला निघूया मनात धाकधूक ठेवूनच  गाडी रेस करतच घराकडे निघालो आणि पोहोचलो आणि हा प्रसंग बंधू दिपक व गजा काकाला सांगितला. आणि ठरवले आपल्या कुटुंबियांचा व आपल्या सुरक्षेसाठी बंदुकीच्या ऐवजी रिवाल्वर घ्यावे असे ठरले त्याप्रमाणे जिल्हाधिकारी रायगड यांच्याकडे अर्ज करून बंदुकी ऐवजी रिवाल्वर मिळावे यासाठी परवाना घेतला बंदूक विकून टाकली.  मी रायगड जिल्ह्यातील दैनिक रायगड टाइम्स चा जिल्हा प्रमुख असल्याने महिन्यात  एकदा पेपर एजंट व पत्रकाराकडुन जाहिरात  पैसे आणावयास  जात असे एकदा दिघी जवळून माझी मारुती व्हॅन घेऊन निघालो असता 2मोटर सायकली पाठलाग करू लागल्या माझे नजरेत वेगळे जाणवताच एक गाडीवरुन थांबणेस हात करताच मी व्हॅन चा स्पीड वाढविला आणी म्हसळा पोलीस ठाण्यात पोहचलो, हवालदार  ओळखीचे असल्याने त्यांनी बाहेर  जाऊन तपास केल्यानंतर  11वाजता जवळचे पैसे रत्नागिरी टाइम्स च्या खात्यात भरले,अलिबाग मधे आल्यावर सेवानियोजन मधील वाडगाव येथील मित्र कै.तवसाळकर याने बंदुक ऐवजी रिव्हॉल्व्हर घेण्याचा अर्ज तयार करून दिला 8 दिवसात  बंदुक विकण्याचा व रिव्हॉल्व्हर घेण्याची ऑर्डर आमचे कवी,गझलकार, निवासी उप जिल्हाधिकारी श्री.दिलीप पांढरपट्टे यांनी परवाना दिले    आणि केंद्र सरकारच्या ऑर्डनन्स फॅक्टरी अंबरनाथ येथून रिवाॅल्वर विकत घेतले ते आज तागायत जवळ आहे नुकताच अलिबाग तालुक्यातील नागाव,कुर्डुस येथे बिबट्या आला होता तशी नागाव ही माझी सासुरवाडीच आहे आणि पत्रकारिता  व मला पहिला भेटलेल्या बिबट्यामुळेच माझ्याकडे स्वसंरक्षणार्थ रिवाल्वर  आहे. नागरिकांनो चुकून  बिबट्या दिसला तर वनखाते व वनपाल यांना त्वरीत कळवा म्हणजे नागाव सारखी घटना घडणार नाही,सुरक्षित राहु, अजूनही ही  आठवण कायम शेतकऱ्याची शेतावरच्या घराची-प्रगतिशील शेतकरी डॉ.जयपाल पाटील अलिबाग, मो.9673727277